Der IRONMAN*)

Das unsre Kerwa jeden gefälld,
des is bekannt auf dera Welt.

Do kummas dann aus Nah und Fern,
fohrn vor mit Ihre gelben Kärr´n!

Der Quastler sperrt sei Auto zu,
und denkt er hat etz´la sei Ruh!

Drum hau ich heut mol gscheid am Putz,
weil ich mei Auto nemmer nutz!

So denkt er, und trank Mass um Mass,
natürli Schwarze, des macht Spass!

Die Kerwa brummt, des Bier haut nei,
heit wer ich ganz sche bsuff´n sei.

Wie’s dann glangd hat ,hat er g´sacht:
„Ich geh etz ham, Ade, Gute Nacht!“

Und weil ich´s gewöhnt bin jogg ich glei,
mit ahm Elan nach Neustadt nei

Etz kummd er ham, allmechd, oh Schreck,
mei Haustürschlüssel der is weg!

Dann fällld ner´n ei, au weh, au weh,
der liegt in meim Audi TT!

Do hab ich Doser net dro dachd,
ich renn zurück in tiefster Nacht!

Am Auto ist er angekommen,
der Lauf hat Ihm den Rausch genommen!

Er fühlt sich fit und unbeschwert,
steigt in sei Auto nei und fährt.

Fühlt nix mehr von seinem großen Seier,
wenn’s Ihn erwischen dann wird`s teier!

Nix is passiert, Glück hat er ghabt,
sei Heimfahrt hat problemlos klappt.

Drum Merke:

Als Manager und Sportsoldat, weiss man wie Mann´s zu machen hat !!!

*) gschwumma im Wirtshaus – grennd ham und zrück - und Fohrrod hät er fohrn kenna, wenns ner´n beim  Autofohrn erwischt hättn!